ئاسیا حەواڵە

ئاسیا حەواڵە جزدانێکی ئەلکترۆنییە کە لە عێراقدا کاردەکات و لە لایەن کۆمپانیای ئاسیاسێڵ دروستکراوە، ئەم جزدانە ئەلکترۆنییە ئاسان و خێرایە بۆ بەکارهێنان و پارێزراوە هەروەها بەکارهێنەران دەتوانن جزدانەکە دروست بکەن و بەکاریبهێنن بۆ گواستنەوەی پارە، کڕینی کاردی ئۆنلاین و کاردی ئاسیاسێڵ، پێدانی موچەی کارمەندان ، پارەدان بۆ کڕینی بلیتی فڕۆکە و هەروەها چەندین خزمەتگوزاری تر. بەکارهێنەران دەتوانن لە بنکەکانی ئاسیا حەواڵە پارە داخل بکەنە سەر جزدانەکە و سودی لێ ببینین، هەروەها بە بەرنامەی تایبەت بە مۆبایلەکەت هەردوو ئای ئۆ ئێس و گۆگڵ پلەی خزمەتگوزاریەکە بەکاربهێنن.

ئاسیا حەواڵە
ئاسیا حەواڵە

ئاسیا حەواڵە چییە؟

ئاسیا حەواڵە لە کۆتایی ساڵی 2014 دامەزراوە و لە 29 دیسەمبەر 2015 بڵاوکرایەوە، خزمەتگوزاریەکی باوەڕ پێکراوە بۆ هەموو مامەڵە داراییەکانت لە ڕێگای مۆبایلەکەتەوە، لە ئێستادا جزدانەکە خێراترین و پارێزراوترین ڕێگات پێ دەدات بۆ وەرگرتن و پێدانی پارە و مامەڵەکان لە هەر کاتێک و هەر شوێنێک بێت، هەروەها ئاسیا حەواڵە ڕێگەپێدانی هەیە لەلایەن بانکی ناوەنی عێراقی و باوەڕپێکراوە،

کۆمپانیاکە ئامانجی ئەوەیە کە گەشەی زیاتر بە بنزسەکان بدات و چەندین گرێبەستی لەگەڵ ڕێکخراوی جیاواز هەیە بۆ زیاتر گەشە کردنی ئەم پیشەسازیە و زیاتر لە 60 کارمەندی کاردەکەن لە سەرانسەری عێراق و بەردەوام توێژینەوەی زیاتر دەکات لە بواری تەکنەلۆژیادا.

چۆن ئاسیا حەواڵە کارا بکەیت؟

ئاسیا حەواڵە سێ جزدانی جیاوازی هەیە بۆ کاراکردن و بەم هەنگاوانەی خوارەوە دەتوانیت جزدانەکەت کارا بکەیت بە بەکارهێنانی سیم کاردی ئاسیا سێڵ:

1.    جزدانی کاتی:

دەتوانیت جزدانی کاتی بەدەست بهێنیت بە پەیوەندی کردن بە *211# و زمانەکەت هەڵبژێریت (کوردی، ئینگلیزی ، عەرەبی)، ئەو جۆرە جزدانە تا بڕی 1،000،000 دینار دەتوانیت بکەیتە سەر هەژمارەکەت بۆ ماوەی تەنیا 60 ڕۆژ کار دەکات، لە دوای ئەو ماوەیە بەکارهێنەر پێویستە جزدانەکەی بگۆڕێت بە هەمیشەیی تا بەردەوام بێت.

چۆنیەتی کاراکردنی جزدانی کاتی:
  1. پەیوەندی بکە بە  *211#
  2. ئەو زمانە هەڵبژێرە کە دەتەوێت: کوردی، عەرەبی یاخود ئینگلیزی.
  3. ژمارە (1) لێبدە بۆ خۆتۆمارکردن.
  4. کورتەنامەیەکت پێ دەگات کە لەناویدا کۆدی کاتی تێدایە.
  5. پەیوەندی بکەرەوە بە  *211# بۆ دانانی کۆدی خۆت (پین کۆد).
  6. ئاگادار کردنەوەت پێ دەگات بۆ دڵنیاکردنەوەی سەرکەوتنی کارەکەت.

2.    جزدانی هەمیشەیی:

بەکارهێنەر دەتوانێت جزدانەکەی بگۆڕێت بە هەمیشەیی بە سەردانی کردنی یەکێک لە بریکار یاخود بنەکەکانی ئاسیا حەواڵە، لە کاتی بوونی جزدانەکەت بە هەمیشەیی دەتوانیت تا بڕی 20،000،000 ملیۆن دیناری عێراقی پارە بکەیتە سەر هەژمارەکەت و هەروەها مامەڵەی 5،000،000 مانگانە بکەیت، هەروەها دەتوانێت ڕۆژانە 2،000،000 ملیۆن دینار پارە دەربکات ڕۆژانە، جزدانەکە بەردەست دەبێت بۆ هەمیشەیی بەپێی مەرج و ڕێنماییەکانی کۆمپانیاکە.

چۆنیەتی گۆڕین بۆ جزدانی هەمیشەیی:
بۆ هاوڵاتی عێراقیی:
  • کاردی نیشتیمانی
  • کاردی نیشتەجێبوون
  • وێنەی ڕەنگاوڕەنگی پاسپۆرت.
بۆ هاوڵاتی دەرەوەی عێراق:
  • پاسپۆرت
  • کاردی نیشتەجێبوون
  • ناونیشان
  • وێنەی ڕەنگاوڕەنگی پاسپۆرت

 

3.    جزدانی نایاب:

ئاسیا حەواڵە ئەم جۆرە جزدانە بەردەست دەخات بۆ دانانی چارەسەر بۆ خاوەن کۆمپانیا و بزنسەکان و بەروەپێش چونیان، هیچ سنورێکی پارە نییە لەسەر ئەم جۆرە جزدانانە بەپێی کۆمپانیا و کارەکان دەبێت لەگەڵ بانکی ناوەندی عێراقی، بەدەست هێنانی ئەم جزدانە تەنیا لە ڕێگای سەردانی کردنی بنکەی سەرەکی کۆمپانیا دەبێت، هەروەها ئەم جزدانە بۆ ئەم جۆرە کەسانە بەکار دێت:

  • کۆمپانیا یاخود خاوەنکار
  • بازرگانی
  • بریکارە سەرەکیەکان

خزمەتگوزاریەکانی ئاسیا حەواڵە

گواستنەوە لە جزدانێکەوە بۆ جزدانێکی تر:

گواستەوەی پارە لە نێوان خاوەنی جزدانەکانی ئاسیا حەواڵە دەکرێت لە ڕێگەی تەنیا چەند هەنگاوێکی ئاسان چ بە ژمارەی مۆبایلەکەت یاخود بەکارهێنانی بەرنامەی ئاسیا حەواڵە، کۆمپانیاکە بۆ گواستنەوەی هەر 1،000 دینارێک تەنیا 2.5 دیناری عێراقی وەردەگرێت.

چۆنیەتی گواستنەوە:
  1. پەیوەندی بکە بە *211#
  2. ژمارە (1) هەڵبژێرە لە مینوی سەرەتا تا بچیتە بەشی گواستنەوە
  3. ژمارە (1) هەڵبژێرە بۆ گواستنەوە لە جزدان بۆ جزدان
  4. ژمارە مۆبایلی کەسی وەرگر بنوسە
  5. بڕی ئەو پارەیە بنوسە کە دەتەوێت بیگوازیتەوە.
  6. پین کۆدەکەت بنوسە
  7. کورتەنامەیەکت بۆ دێت بۆ دڵنیاکردنەوە لەوەی کارەکەت سەرکەوتوو بووە.
جزدانی مۆبایل
جزدانی مۆبایل

پارە داخڵکردن و پارە ڕاکێشان:

پارە داخڵکردن:

دەتوانیت پارە بکەیتە سەر هەژمارەکەت لە ڕێگای سەردانی کردنی یەکێک لە بنکەکانی کۆمپانیا، هەروەها پارە داخڵکردن هیچ زیادەیەکی نییە و بەم شێوازەی خوارەوە دەکرێت:

  • سەردانی یەکێک لە بریکار یاخود بنکەکانی ئاسیا حەواڵە بکە.
  • هیچ زیادەیەک ناچێتە سەر ئەم خزمەتگوزارییە
  • کورتەنامەیەکی دڵنیا کردنەوەت پێ دەگات لە کاتی سەرکەوتووی کارەکەت.
پارە ڕاکێشان:

دەتوانیت سەردانی یەکێک لە بنکەکان بکەیت بۆ پارە ڕاکێشان لە جزدانەکە، پارە ڕاکێشان سنوری دیاریکراوە بە پێی جۆری جزدانەکەت، بەم شێوەیەی خوارەوە دەبێت:

  • سەردانی یەکێک لە بنکەکانی کۆمپانیا دەکەیت
  • بەکارهێنەر کورتەنامەیەکی پێ دەگات لە ڕێگەی مۆبایلەکەی دەربارەی پارە ڕاکێشان
  • بەکارهێنەر پێویستە پین کۆدی خۆی داخڵبکات
  • بەکارهێنەرەکە کورتەنامەیەکی پێ دەگات بە مەبەستی دڵنیاکردنەوەی سەرکەوتووی کارەکەی.

پڕکردنەوەی هێڵی ئاسیاسێڵ:

 لە کاتی هەبوونی جزدانەکە و پڕکردنەوەی، دەتوانیت هەر کاتێک بتەوێت هێڵی ئاسیاسێڵ پڕبکەیتەوە و خزمەتگوزاریەکە هەموو کات بەردەست دەبێت و دوو ڕێگایە:

پڕکردنەوەی هێڵی خۆت:
  1. پەیوەندی بکە بە *211#
  2. 2.      ژمارە (2) هەڵبژێرە بۆ پڕکردنەوەی هێڵ
  3. ژمارە (1) هەڵبژێرە بۆ پڕکردنەوەی هێڵە تایبەتەکەی خۆت.
  4. بڕی پڕکردنەوەکە هەڵبژێرە
  5. پین کۆدەکەت هەڵبژێرە بۆ دڵنیاکردنەوە
  6. کورتە نامەیەکی ئاگادارکردنەوەت پێ دەگات بۆ دڵنیاکردنەوەت لە کارەکەت.
پڕکردنەوەی هێڵێکی تری ئاسیاسێڵ:
  1. پەیوەندی بکە بە *211#
  2. 2.      ژمارە (2) هەڵبژێرە بۆ پڕکردنەوەی هێڵ
  3. ژمارە (2) هەڵبژێرە بۆ پڕکردنەوەی هێڵێکی تری ئاسیاسێڵ.
  4. ژمارە تەلەفونی ئەو هێڵە بنوسە کە دەتەوێت پڕی بکەیتەوە.
  5. بڕی پڕکردنەوەکە هەڵبژێرە
  6. پین کۆدەکەت هەڵبژێرە بۆ دڵنیاکردنەوە
  7. کورتە نامەیەکی ئاگادارکردنەوەت پێ دەگات بۆ دڵنیاکردنەوەت لە کارەکەت.

کڕینی کاردی ئۆنلاین:

لە ڕێگای جزدانەکەتەوە دەتوانیت چەندین کاردی ئۆنلاین بکڕیت هەر لە کاردەکانی یاریکردنی پلەیستەیشن و ئێکسبۆکس بۆ کاردی ئایتونس و گۆگڵ پلەی، چۆنیەتی کڕینی کارد بە بێ بەرنامەی کۆمپانیا و لە ڕێگای هێڵەکەتەوە:

  1. پەیوەندی بکە بە  *211#
  2. ژمارە (5) هەڵبژێرە بۆ ئەوەی بچیتە بەشی کاردە ئۆنلاینەکان.
  3. لەناو لیستەکەدا ئەو کاردە هەڵبژێرە کە دەتەوێت بیکڕیت.
  4. جۆری پارەکەی هەڵبژێرە بۆ نموونە کاردی پلەیستەیشن 20$ و 50$ هەیە
  5. پین کۆدەکەت داخڵ بکە بۆ دڵنیا کردنەوە.
  6. کورتەنامەیەکت پێ دەگات کە وردەکاری کاردەکەی تێدایە.

پڕکردنەوەی هێڵی ئینتەرنێت:

لە ڕێگای جزدانەکەتەوە دەتوانیت ئینتەرنێتی مایفای یاخود ماڵەوەت پڕبکەیتەوە لە هەر یەک لە جۆرەکانی گۆران نێت، فاستلینک و تیشک نێت و هیتر.

سود و خاڵە بەهێزەکانی ئاسیا حەواڵە

  • ئاسانە بۆ بەکارهێنان: ئەم جزدانە بۆ بەکارهێنان زۆر ئاسانە و تەنیا دەتوانیت لە 3 خولەکدا کارای بکەیت و دەبیتە خاوەنی جزدانی ئەلکترۆنی کاتی کە بۆ ماوەی 60 ڕۆژ بەردەستە.
  • دەگونجێت لەگەڵ زەین کاش: خاوەنی جزدانی ئاسیا حەواڵە دەتوانێت پارە بگوازێتەوە بۆ هەردوو جزدانی خۆی و زەین کاش.
  • گواستنەوەی پارە بە ڕێژەیەکی کەم لە سود : لە ڕێگای ئەم جزدانەوە دەتوانیت پارە بگوازیتەوە بۆ جزدانێکی تری ئاسیا حەواڵە یاخود زەین کاش و لە هەموو 1000 دینارێکی عێراقی تەنیا 2.5 دینار وەردەگرێت/
  • پڕکردنەوەی باڵانسی ئاسیاسێڵ : بە بێ ئەوەی هیچ زیادەیەک بچێتە سەری وەک کاردەکانی تری ئاسیاسێڵ کە لە بریکارەکان دەیکڕیت
  • کڕینی کاردەکانی ئۆنلاین: لە ڕێگای جزدانەکەت دەتوانیت کاردەکانی ئۆنلاین بکڕیت.
جزدانی ئەلکترۆنی
جزدانی ئەلکترۆنی

خاڵە لاوازەکانی جزدانی ئاسیا حەواڵە:

  • تەنیا لە عێراق کاردەکات: هەرچەندە جزدانەکە سودی زۆرە، بەڵام یەکێک لە خاڵە لاوازەکانی ئەوەیە کە تەنیا لە عێراق کاردەکات.
  • ماوەی زۆری پرۆسە کردن: لە کاتی پارە داخڵکردن یاخود گواستنەوە ماوەیەکی زۆری پێ دەچێت کە دەگاتە 24 کاتژمێر، بەڵام پارە ڕاکێشان خێرایە لە کاتی سەردانی کردنی یەکێک لە بریکارەکان.
  • کاردی پریپەیدی نییە: هەرچەندە جزدانەکانی تری کە پێشبڕکێی لەگەڵ دەکەن کاردی ماستەرکارد بەردەست دەخەن بۆ بەکارهێنان، بەڵام ئەم هیچ کاردێکی نییە.

ئاسیا حەواڵە لە گرەوکردنی ئۆنلاین

جزدانەکە تەنیا لە عێراقدا کاردەکات و ماوەی چەند ساڵێکە بەردەستە هەر بۆیە لە ماڵپەڕەکانی گرەوکردن و گازینۆی ئۆنلاین بەکارنایات. بەڵام بێت فیناڵ (Betfinal) قبوڵی دەکات! بێت فیناڵ یەکێکە لە باشترین ماڵپەڕەکانی گرەوکردن و گرەوی زیاتر لە 30 وەرزشی جیهانی تێدایە، لەگەڵ ئەوەشدا پشتگیری زمانەکانی کوردی، عەرەبی و ئینگلیزی دەکات، هەروەها بۆ ئاسانکاری لە یاریکردن بە ئۆنلاین لە عێراقدا، بێت فیناڵ (Betfinal) جزدانەکانی وەک ئاسیا حەواڵە و فاستپەی قبوڵ دەکات و بە هەردوو جۆرە دراوی دۆلاری ئەمریکی و دیناری عێراقی دەتوانیت پارە بکەیتە سەر هەژماری گازینۆکە، لەگەڵ گرەوکردندا ماڵپەڕەکە چەندین یاری گازینۆ بەردەست دەخات لەلایەن گەشەپێدەرە بەناوبانگەکانەوە بۆ ئەوەی یاریزانن بتوانن چێژ وەرگرن لە یاریەکان.